Kölfel 51:6-18

⁶Ellet, ka pwapwaäsini letip wenechar. Kopwe aiti ngeniei ewe tipachem mi monomon.

⁷Kopwe limetiei ren ülün ewe irä isop pwe üpwe limöch, kopwe talü seniei ai tipis pwe üpwe pwech seni snow.

⁸Kopwe mwüt ngeniei pwe üpwe rongorong mweireiren pwapwa me meseik. Kopwe pwal mwüt ngeniei ai üpwe pwapwa, inamwo ika ka kupi chüi.

⁹Kosap nenengeni ai kewe tipis, nge kopwe amoela ai föföringau meinisin.

¹⁰Ai Kot, kopwe föri loi eu leluk mi limöch o fangelong loi eu ngün mi fö o pos.

¹¹Kosap asüeila seni fän mesom, kosap pwal angei seniei Ngünum mi pin.

¹²Kopwe aliwinisefäli ngeniei ewe pwapwa mi nom rei, lupwen ka amanauaei, kopwe atufichiei pwe üpwe aleasochis ngonuk.

¹³Mürin üpwe aiti ngeni ekewe chon tipis om kewe allük. Iwe, ir repwe kulituk.

¹⁴Ai Kot, kopwe angasaeila seni mäla, en Kot ai Chon Amanau. Üpwe pwapwa le köl usun om pwüng.

¹⁵Ai Samol, kopwe amwelieliaei pwe üpwe mwareituk.

¹⁶Pun en kosap efich asor, ika ngang üpwe uwato reöm. En kosap pwapwa ren asoren kek.

¹⁷Ai Kot, üa asor ngonuk eu letip mi tipetekison, eu leluk mi tipetekison o liamam, en kosap oput.

¹⁸Ai Kot, kopwe kirikiröch ngeni Sion fän pwapwan letipom. Kopwe aüsefälietä tittin Jerusalem.