Kölfel 50:3-9

³Ach Kot a feito, nge esap fanafanala. Ekkei mi kümau a nom mwan, nge eu mölümöl mi watte a pwelifeili ünükün.

⁴A kökkötä ngeni ekewe läng, a pwal kökkö ngeni fanüfan pwe repwe küna, lupwen epwe apwüngü nöün kewe aramas.

⁵A apasa, “Oupwe amwichato rei nei kewe mi allükülük, chokewe mi eäni eu pwon ngeniei ren ar eäni eu asor.”

⁶Ekewe läng ra pwärätä pwe Kot a pwüng, pwe püsin i ewe soukapwüng.

⁷“Ämi nei aramas, oupwe rongorong, ngang üpwe kapas. Ämi chon Israel, üpwe ü ngenikemi ren ai pwärätä usumi. Ngang Kot, ämi we Kot.

⁸Üsap fönökemi pokiten ämi asor me ämi asoren kek oua uwato rei fansoun meinisin.

⁹Nge üsap osun eman ätemwänin kow seni ämi imwen man, ika eman kuuch seni ämi lenien man.