Kölfel 49:2-13

²ämi aramas tekia me aramas tekison, ämi aramas pisekisek me aramas wöüngau.

³Üpwe apasätä kapas tipachem, nge ekiekin lelukei epwe awora weweöch.

⁴Üpwe aü selingei ngeni eu kapasen amirit, üpwe awewei ai asisil, lupwen üa ettiki nei ükülele.

⁵Pwota üpwe niuokus lupwen fansoun riaföü, lupwen chon ariaföüüei ra pwelifeiliei?

⁶Ir ekewe aramas mi apilükülükü wöür o sikäsini pisekir mi somwola.

⁷Ellet esap wor eman a tongeni isetiu penmanauen pwin ika ngeni Kot liwinin manauan.

⁸Pun liwinin manauen eman aramas a men mömong. Esap fokun naf an epwe möni manauan,

⁹pwe epwe tongeni manau tori feilfeilachök, nge esap tolong lon peias.

¹⁰Ewer, aramas ra küna pwe pwal ekewe chon tipachem ra mäla usun chök ekewe mi umwes me tiparoch. Ra likiti wöür ngeni pwal ekoch.

¹¹Ar lenien peias iei imwer tori feilfeilachök, iei lenier repwe nom lon fansoun meinisin. Inamwo ika mi wor püsin fanüer me lom.

¹²Aramas resap tongeni nonomotiu won fanüfan lon ar wöümong, nge repwe mäla usun chök man.

¹³Iei usun mine epwe fis ngeni chokewe mi püsin lükü ir, iei sopolan chokewe mi pwapwaäsini wöür.