Kölfel 44:8-20

⁸Äm aia chök aingaing womw en äm Kot fansoun meinisin o kilisou ngonuk tori feilfeilachök.

⁹Nge iei ka pöütikeemila o föri pwe aipwe kuf, kosap pwal chüen eti äm mwichen sounfiu le feila ngeni maun.

¹⁰En ka föri pwe äm aipwe timär me mwen ekewe chon ü ngenikem, nge ekewe chon oputakem ra angei liaper senikem fän pöchökül.

¹¹Ka asechikeemilong lepöür pwe repwe niikem usun sip mi amol ngeni ar repwe ninnila, ka pwal atoropasafeilikem lein chon ekewe mwü.

¹²Ka amömöla noum kewe aramas ren liwin mi kisikis, nge kosap angei och win ren om amömörela.

¹³Ka föri pwe äm aia uren takir me ren chon arüm, ir ra ämängauakem o esitakem.

¹⁴Ka föri pwe chon ekewe mwü ra leawenikem lon ar kapasen turunufas, ra elifechefech ren ar ämängauakem.

¹⁵Fansoun meinisin üa itengau, üa pwölüla ren ai säw

¹⁶pokiten än ekewe chon ämängau me chon turunufas kapas, pwal pokiten än ekewe chon oputaei liwiningau ngeniei.

¹⁷Ekei mettoch meinisin ra fis ngenikem, nge äm aisap manlükukala ika atai om we pwon.

¹⁸Äm aisap kul senuk, äm aisap pwal aleasolap ngeni om kewe allük.

¹⁹Nge en ka atatakisikem me lon lenien ekewe kolak mi mwacho o pwölükeemila ren rochokichin mäla.

²⁰Are äm aipwe manlükala iten äm we Kot ika iotek ngeni pwal eman koten ekis,