Text copied!
CopyCompare
Paipel - Kölfel - Kölfel 31

Kölfel 31:2-9

Help us?
Click on verse(s) to share them!
2Kopwe aü selingom ngeniei, kopwe müttir amanauaei. En kopwe ai lenien op usun eu föimw mi pöchökül, pwe kopwe amanauaei.
3Ewer, en ai achau, pwal imwei imwen maun. Kopwe emweniei o aiti ngeniei ewe al usun ka pwon.
4Kopwe tümwünüei seni ewe sär mi molotä fän itei, kopwe ti seniei feiengau.
5Üa atolonga manauei lepoum, kopwe amanauaei, ai Samol mi Lapalap, ewe Kot mi allükülük.
6Ka oput chokewe mi fel ngeni anümwäl mi lomotongau, nge ngang üa anomu ai apilükülük womw.
7Üpwe mwänek o pwapwa ren om tong ellet, pun ka küna ai riaföü o silei ai kewe weires.
8Kosap atolongaei lepöün chon oputaei, nge ka mwüt ngeniei pwe üpwe feila ia üa mochen feila ie.
9Ai Samol mi Lapalap, kopwe ümöümöch ngeniei, pun ngang üa nom lon riaföü. Mesei ra toputopula ren ai kechü, nge inisi a apwangapwangala.

Read Kölfel 31Kölfel 31
Compare Kölfel 31:2-9Kölfel 31:2-9