12Üa manlüküla me ren aramas usun eman mi mäla, üa usun eu sepi mi mök.
13Ewer, üa rongorong pwe chomong ra möngününgün. Lupwen ra raweei usun ar repwe angei manauei, niuokus watte a nom pwelin ünüki.
14Nge ngang üa apilükuk, ai Samol mi Lapalap, üa apasa, “En ai Kot.”
15Fansoun manauei a nom lepoum. Kopwe angasaeila seni ekewe chon oputaei me ekewe chon ariaföüüei.
16Kopwe netiu won noum chon angang fän kirikiröch o amanauaei lon om tong ellet.
17Kosap mwütätä pwe üpwe itengau, ai Samol mi Lapalap, pun üa kökköruk. Nge kopwe mwütätä pwe ekewe aramasangau repwe itengau, repwe fanafanala le feitiu lon lenien sotup.