Kölfel 147:1-7

¹Ousipwe mwareiti ewe Samol mi Lapalap. A fokun mürina ach sipwe kölün mwareiti ach we Kot. A fich ngeni ach sipwe kölün mwareiti i.

²Ewe Samol mi Lapalap a aüsefälietä Jerusalem, a aliwinisefäli ekewe chon Israel mi oola.

³A apöchöküla ir mi tatakis leluker o filiti kinaser.

⁴A apwüngala iteiten ekewe fü o aita eföü me eföü ngeni itan.

⁵Ach Samol a tekia o fokun manaman, an mirit esap wor aükükün.

⁶Ewe Samol mi Lapalap a atekiatä chokewe mi tekison, nge a aturätiu ekewe aramasangau lepwül.

⁷Oupwe köl ngeni ewe Samol mi Lapalap fän kilisou. Oupwe köl ngeni ach we Kot fiti ükülele.