Kölfel 141:1-6

¹Echö än Tafit köl. Ai Samol mi Lapalap, üa kökköruk, kopwe kaito rei. Kopwe aü selingom ngeni mweliei, lupwen üa kökköruk.

²Ai iotek epwe wewe ngeni eu asoren apach mi pwokus me mwom, ai aitietä pei epwe wewe ngeni eu asoren lekuniol.

³Ai Samol mi Lapalap, kopwe awora eman chon masen awei, kopwe tümwünü asamen tinawei.

⁴Kopwe tümwünüei pwe üsap föri mine a ngau, pwe üsap eti ekewe aramasangau lon ar föföringau, üsap pwal etiir le mongö ener mi annö.

⁵Eman aramasöch epwe wichiei are apwüngüei fän kirikiröch, nge üsap mwüt ngeni ekewe aramasangau pwe repwe asamoluei. Pun lon ai iotek üa pälüeni ar kewe föför mi ngau fansoun meinisin.

⁶Lupwen ekewe samol repwe koturutiu seni ekewe achau, ekewe aramas repwe mefi pwe ai kewe kapas ra let.