Kölfel 119:63-69

⁶³Ngang eman chienen chokewe meinisin mi niuokusituk, chokewe mi aleasochisi om kewe öüröür.

⁶⁴Ai Samol mi Lapalap, fanüfan a ur ren om tong ellet. Kopwe aiti ngeniei om kewe allük.

⁶⁵Ai Samol mi Lapalap, ka eäni kirikiröch ngeniei ngang noum chon angang usun ka pwon.

⁶⁶Kopwe aiti ngeniei mirit me silelap, pun üa lükü om kewe allük.

⁶⁷Mwen om atolongaei lon riaföü üa mwälechfeil, nge iei üa aleasochisi om kapas.

⁶⁸En ka kirikiröch o föri mine a mürina. Kopwe aiti ngeniei om kewe allük.

⁶⁹Ekewe mi lamalamtekia ra aitengauaei ren ar chofana, nge üa aleasochisi om kewe öüröür ren unusen lelukei.