Kàddu yu Xelu 30:1-8

¹Lii waxi Agur la, góor gay doomu Yake mu Maasa. Góor ga daa wax ak Itiyel, wax ak Itiyel ak Ukal. Mu ne:

²Maa dofe dëgg, ba yées ci nit ñi, dég-dégu nit sax awma ko.

³Jànguma, ba am xel mu rafet, awma xam-xam ci Aji Sell ji.

⁴Ana ku yéegoon asamaan, ba wàcc? Mbaa mu masa ŋëb ngelaw ciy loxoom? Ana ku masa ëmb ndox ci ndimo? Mbaa mu rëdd mboolem kemi àddina? Nu mu tudd ak nu doomam tudd? Wax ma, yaw mi ko xam!

⁵Lu Yàlla wax, mat na sëkk, mooy yiir ku ko làqoo.

⁶Bul yokk ay waxam, mu weddi say fen, nga weeru.

⁷Éy Yàlla, yaar laa la ñaan, ngalla may ma ko sama giiru dund:

⁸caaxaan aki fen, yal na ma sore, néewleek barele, bu ma ci may lenn, leel ma lu ma doy;