14Huan TOTECO quitachili huan quiilhui: ―Na nimitzmacas nochicahualis. Xiya ta, xiquinmanahuiti israelitame inimaco nopa madianitame pampa ama na nimitztitani.
15Pero Gedeón sempa quinanquili: ―¿Ay noTeco, quenicatza huelis niquinmanahuis israelitame? Nihuala ipan nopa familia cati más teicneltzi ipan nochi iixhuihua Manasés. Huan ipan noteixmatcahua nieli cati más nipisiltzi.
16Huan TOTECO quinanquili: ―Na niitztoc mohuaya huan tiquintanis nopa madianitame quej elisquía san se tacat.