Text copied!
CopyCompare
Ya habi ni apo namalyari: Bayon tsipan - Ayta Mag-antsi - Juan - Juan 9

Juan 9:9-18

Help us?
Click on verse(s) to share them!
9Wanlan kaatag, “Yabay ya.” Noa, wanlan kaatag êt, “Kalupa na yan bat hên buwag.” Amêhên, wanan lalaki, “Hiko ya.”
10Kabay wanla kana, “Ay-êmên nimukat ya mata mo?”
11Hinabi na, “Ya lalaki, ya nag langan Jesus, ay nanyag hên pita ta impunih na ha mata ko. Bayo wana kangko, ya magkulamêh ako do ha lanêm ha Siloe. Dinyag koy hinabi na, kabay ampakahêlêk kina.”
12Amêhên, wanla kana, “Anto yay na?” Hinabi na, “A ko muwang.”
13Gintan lay hatoy lalaki, ya manan buwag ya ampakahêlêk, kanlan Pariseo.
14Allon pamagsimba lan Israelita hên nanyag yan pita hi Apo Jesus, haka na pinamukat ya hata lalaki.
15Amêhên, kinotang la yan Pariseo, no pata ampakahêlêk yay na. Kabay wana kanla, “Namipunih yan pita ha mata ko, bayo hên nagkulamêh ako, ay ampakahêlêk kina.”
16Wanlan kaatag ya Pariseo, “Hi Jesus, ay alwan ubat kan Apo Namalyari, ta a na anhonolên ya Kautuhan, ya paan mag-obra ha allon pamagsimba.” Noa, wanlan kaatag, “No makasalanan ya, ay a ya makadyag hên êmbayro ya makapaêpapah.” Alwan mimihay ihip la.
17Kabay wanla kanan pinamukat, “Hika bay, ya pinamukat na. Hinoy mahabi mo ya tungkol kana?” Amêhên, wanan pinamukat, “Hiyay mihay propeta ni Apo Namalyari.”
18A hila naniwala ya mana yan buwag, ya pinamukat. Kabay impabaêg lay toa na.

Read Juan 9Juan 9
Compare Juan 9:9-18Juan 9:9-18