JUAN 9:9-16

⁹No zho rnee mew, nogaa zho rnee led meda. ―Squidaa rlu me ―rnee zho―, per led med i. Nacne pquiab me mezhal rëb lo zho: ―Naaw, naa nac mgui co.

¹⁰Dzigo bnabdiidz zho zha biac lo me. Rëbchaa me:

¹¹―Meṉ ne rnee zho lë Jesús, meṉ co bzhixcuaa niip beṉ dzigo bdëëb mew zhits guidlo naa, blozh ga pxeeḻ me naa biatiib naa lo naa ro pil Siloé; zeeṉe laa naa wbire laa lo naa biacle.

¹²―¿Yo meṉ co niina na? ―rëb zho. ―Dieeṉda ―rëb me―, naṉd naa dieṉ yo me.

¹³Dzigo güey zho güeynie zho me lo grë zha ne nac zha farisé;

¹⁴sac lëëtse dze ne rdziiladz zho lo dziin, lëëtse dze co sca beeṉguiac Jesús lo me.

¹⁵Grë zha farisé co, biire zho bnabdiidz zho lo me dieṉ zha biac me; dzigo bzodiidz me lo zho zha bdëëb Jesús niip beṉ lo me, blozh ga güeytiib me lo me, zeeṉe laa me wbire laaw biacle.

¹⁶Blalaa zha farisé ne ndxie ga, psilo zho rnee zho: ―Nlid ne Dios pxeeḻ meṉ co, gacxe waa niicle ruṉbeydraa me pa dze nac dze nda. Pquiab zla zho rnee: ―Teḻ choḻze miech ngoopdoḻ nac me, ¿niacxe zrieelo guṉ me grë milagr qui? Zhaase zhaase rnee zho.