Juan 9:6-40

⁶Chasa nis­paka, alpapi tukaspa, turuia­chispa, mana kawag ñawita kakurka.

⁷Chasa llun­chis­paka, nirka: —Siloé suti kuchaia­chiska iakupi mailla­rig­rii—. (Siloé ni­raian­mi “Kachaska”.) Chi­ura, chi runaka rirka. Mailla­rig­rig­lla­pika, alli­lla­mi ñawi kawag­samurka. Nis­paka, pai­pagma rirka.

⁸Paipa ladu suiu kaug­sag­kuna i chi runa limusna mañaspa ñugpa kaskata rigsig­kuna, paita kawas­paka, tapu­ri­na­kurka: —Kai runa, ¿manachu ka limusna mañaspa­lla tia­kug?

⁹Sug­kuna aini­na­kurka: —Paimi ka. Ikuti sug­kuna ni­na­kurka: —Manima. Ñalla pai­sina rig­cha­mi ka. Chi runaka nikurka: —Aja, nukami kani.

¹⁰Chi­ura tapur­ka­kuna: —Nigpika, ¿ima­wan­tak ñawi aliaska kangi?

¹¹Chasa tapu­ura, chi runaka ainirka: —Jesús suti runami, alpata tuka­wa turuia­chispa, nuka­pa ñawita kaku­waspa, ni­warka: “Rii. Siloé iakupi mailla­rig­rii”. Nuka mailla­rig­ris­paka, musug­lla­mi ñawi kawag­samurkani.

¹²Chi­ura tapur­ka­kuna: —Chi runaka, ¿maipitak ka? Chi runaka ainirka: —Mana iachanichu.

¹³Chi­ura, chi runata fari­seo­kuna­pagma pusar­ka­kuna.

¹⁴Warda punchami Jesús, chasa alpata tuka­wa turuia­chispa, ñawita kakurka, pai kawan­ga­pa.

¹⁵Chi­manda fari­seo­kuna, chi runata tapu­chir­ka­kuna: —¿Imasa­mandatak alli­lla ñawi kawa­kungi? Chi­ura ainirka: —Alpata tuka­wa turuia­chispa, nuka­pa ñawipi chura­warka. Nuka­ka mailla­rig­rirkani. Chi­ura­lla­mi kawa­ri­warka.

¹⁶Chasa aini­ura, sug fari­seo­kuna nir­ka­kuna: —Chi alia­chig runa warda pun­cha mana samaspa­lla trabajag, mana Taita Dius kacha­muska kan­ga­pa kanchu. Ikuti sug­kunaka ni­na­kurka: —Panda­ri­dur­lla­tata runa kas­pa­ka, ¿ima­wan­tak chasa mana ima­ura­pas kawaska­sina suma ruran­ga­pa pudí? Chasa rima­na­kus­paka, iskaima tukur­ka­kuna.

¹⁷Chi­manda, ikuti chi ñawi ambi­riskata tapu­chir­ka­kuna: —Chi runa kamba ñawita alia­chiska­manda, kamka, ¿imatak ningi? Chi­ura ainirka: —Paika, sutipa Santu Ispi­ri­tu­wa rimag­mi ka.

¹⁸Chi judiu­kunaka mana iuia­na­kurka, pai mana ñawi kawag kaspa, ña alia­chiska kagta. Chi­manda­mi paipa atun­kunata kaiar­ka­kuna.

¹⁹Nis­paka tapu­chir­ka­kuna: —¿Kaichu ka kam­kunapa wam­bra? ¿Pai­mandachu nin­gi­chi: paimi mana ñawi kawag tiag­samurka? ¿Imasa­manda­tak kuna­ura kawa­ku?

²⁰Chi­ura, atun­kunaka ainir­ka­kuna: —Nukan­chi iachan­chimi, paika nukan­chipa wam­bra kagta. Mana ñawi kawagmi tiag­samurka.

²¹Chasa kuna­ura kawag­samugtaka mana iachan­chi­chu: ¿pimi ñawita kawa­chig­samurka? Kikinta tapu­chii­chi. Ñami wiñaska ka. Pai kikin­mi willanga.

²²Judiu­kuna, ñugpa rima­na­kuska kar­ka­kuna: “Mai­kan­pas ‘Jesús, Taita Dius agllaska­mi ka’ nigpi­kunaka, judiu­kuna tanda­ri­diru wasi­kuna­manda llugsi­chiimi tukun­ga­pa kan­kuna”. Chasa llugsi­chii ni­raiag­manda­mi chi runapa atun­kuna judiu­kunata manchar­ka­kuna.

²³Chi­manda­mi ainir­ka­kuna: “Ñami wiñaska ka. Kikinta tapu­chii­chi”.

²⁴Nigpika, chi ñawi ambi­riskata ikuti kaiaspa, nir­ka­kuna: —Diuspa ñawipi, nukan­chita sutipa kaska­lla­ta willa­rii. Nukan­chi iachan­chimi, chi runa mana alli rura­dur kagta.

²⁵Chasa ni­ura, paika ainirka: —Pai mana alli rura­dur kagta mana iacha­nichu. Kasa­lla­mi iacha­ni: nuka, ñugpata mana ñawi kawag kaspa, kuna­uraka alli­lla­mi kawani.

²⁶Chi­ura, ikuti tapu­chir­ka­kuna: —¿Imatak kamta rurarka? ¿Imasatak ñawi alia­chirka?

²⁷Paika ainirka: —Timpumi willarkai­ki­chita. ¿Mana­chu uia­warkan­gi­chi? ¿Ima­pa­tak ikuti uia­wan­ga­pa muna­na­kun­gi­chi? ¿Kam­kuna­pas­char paita kati­raiag­kuna tukun­ga­pa muna­na­kun­gi­chi?

²⁸Chi­ura, paita kamispa, nir­ka­kuna: —Kam, chita kati­raiagchar kan­gi. Ikuti nukan­chika, Moisés ima iacha­chiskata kati­raiag­kuna­mi kan­chi.

²⁹Taita Dius Moisesta rimaska­ta­mi nukan­chi alli­lla iachan­chi. Chi kamta alia­chig­mandaka, nukan­chi mana iachan­chi­chu mai­manda samuska kagta.

³⁰Chi runaka ainirka: —Nuka­pa ñawita alia­chig mai­manda samuska kagta kam­kuna mana iachagpi­kunaka, ujna­chi­wa­na­kun­gi­chimi.

³¹Ñami iachan­chi, kai alpapi mana alli­lla rurag­kunata, Taita Dius mana uianchu. Ikuti mai­kan paita suma kuiaspa, pai ima muna­kuskata rurag­kunataka uian­llami.

³²Kai alpapi runa­kuna tiaska­ura­manda­ta, ñi ima­ura­pas mana uia­riska kanchu, mai­kan­pas mana ñawi kawag tiag­samuska kaskata alia­chiska­manda.

³³Chi runa, Taita Dius mana kacha­muska kag­pika, ñi ima­pas manachar chasa ruran­ga­pa pudintra.

³⁴Pai­kunaka nir­ka­kuna: —Kam, tiag­samuska­ura­manda­ta panda­ri­dur­mi kangi. ¿Kuna­ura­chu tinlla kam nukan­chita iacha­chin­ga­pa muna­kungi?—. Chasa nis­paka, paita chi­manda llugsi­chir­ka­kuna.

³⁵Chasa iachas­paka Jesuska, chi llugsi­chii tukuska runa­wa kawa­na­kuspa, nirka: —Kai Runa Tukuska­manda, kam, ¿sumachu iuiangi?

³⁶Chi­ura ainirka: —Taita waugki, ni­wai: ¿pitak ka, nuka pai­manda suma iuian­ga­pa?

³⁷Chi­ura, Jesuska nirka: —Kamwa rimakug, nuka­mi kani. Pai­ta­mi kawa­kungi.

³⁸Chasa ni­ura, chi runaka nirka: —Kam taita waugki­ta­mi suma iuia­kuiki—. Chasa nispa, paita kungu­rirka.

³⁹Chi­ura Jesuska, chipi kag­kunata nirka: —Nuka, kai alpama samur­ka­nimi, runa­kunata iuia­chispa kawa­chin­ga­pa; chi­wanka, suma iuia­wagpi­kuna, mana kawas­pa­pas, ñawi kawag­sina tukun­ga­pa; ikuti mana suma iuia­wagpi­kunaka, kawaspa­pas, mana ñawi kawag­sina tukun­ga­pa.

⁴⁰Chasa uias­paka sug fari­seo­kuna, pai­wa sug­lla­pi kaspa, tapur­ka­kuna: —¿Nukan­chi­paschu mana kawag­sina kan­chi?