Juan 9:6-11

⁶Gorna ngulo ngunii xaa kwaane, nu mchuk xaa lo yo, nu mdexkwaa xaa ban nu mteeb xaaya zaalo syeg.

⁷Zee nzhé xaa lo xaa: —Gwa, bdeeb garlo lu leen tank kwaan le Siloé. (Wdizh ne nii: “Xaa mxaal”.) Lee syeg ngwa nu mdeeb garlo, zee nguni zaalo xaa, zee mbare xaa.

⁸Lee re xaa nzho gax garli xaa, nu re xaa ngune lee xaa ngunaab karda, mnabdizh xaa lo wechxinn xaa: —¿Che nalet xaa ne nzob naab karda yizasa mbizh?

⁹Lak xaa mbezh: —Lee xaaya. Zlak xaa mbezh: —Nalet xaaya, nixa kwenta lee xaa nzhak xaa. Per leeka lee xaa mbezh: —Naya.

¹⁰Zee mnabdizh re xaa lo xaa: —¿Xomod nzho ngwii lo lu?

¹¹Lee xaa mkeb nzhé: —Xaa le Jesús mdexkwaa ban, nu mteeb xaaya zaalo na, nu né xaa lo na: “Gwa roo Tank Siloé nu bdeeb garlo lu”, né xaa lo na. Gorzee ngwa na, nu mteeb na garlo na nu gorzee nguni zaalo na.