Juan 9:26-39

²⁶—¿Jahueja mia jaaxquin? ¿Jenquetsahaxon mia jismahaxquin? —hahcanquin.

²⁷—Moa ta mato yohihahqui. Hen yohihah bi tah man nincacatsihyamahahqui. ¿Jahua copi man hahquirihbi nincacatsihquin? ¿Mato rihbi man jahuen haxenicabocatsihquin? —jato jaquin.

²⁸Jaa sinajascacanquin: —Mia tah min jahuen haxenica qui. Noque tah non Moisesnin haxenicabo qui.

²⁹Papa Diosen ta Moises yohinishqui, non tah non honanai. Jahuerahnohax hoa joni jonishquin, non tah non honanyamahi —hihcani.

³⁰Jaabo jascaraiya: —Man jascaraiya tah hen rahtetai. Jahuerahnohax jaa jonishquin man honanyamahi bi ta hea bero rohajahaxqui.

³¹Hohchamisbo ta Papan nincayamahihqui. Jaa tah non honanai. Papahon shinancoinaibo, Papa queenai quescajahibo, jascapahbo ta Papan nincaquihqui.

³²Tsoanbi ta benche cainni joni bero rohajayamanishqui. Benche rohajahi ta tsoan jascajanima qui, nete jamenoni tian, rahma caman.

³³Papa Dios betan hihyamaxon cahen Jesusen jahuejatibi hahtipahyamaquehaniqui —jato jaquin.

³⁴—Mia tah min hohchaya bi res piconihqui. ¿Jascapahxon bi min noque honanmacatsihquin? Catanhue —hahxon picocanquin.

³⁵Catanhue hahcaibo joi nincaxon benche hihpahoni meraxon Jesusen yocaquin: —¿Noquebaquen yohihah min nincacoinyamahin?

³⁶—¿Tsoa jaa quin, hapon, hen nincacoinnon? —hahquin.

³⁷—Hea min jisi tah hen qui, mihbetan yohuanai.

³⁸—Hean tah hen nincacoinai, hihbon —hihxon raboxonen nichish betihihpaqueti.

³⁹—Honanahbo tah hen naihoh quehax joniqui, jisyamahibaan jisíbo, jisibo rihbi benche sca banenon —hahquin Jesusen.