JUAN 8:30-37

³⁰Ne re Jesus zenga, ndalyaa mén wlaleedx Ne.

³¹Lex re Jesus lo men-Israel ne che wlaleedx Ne: ―Belne ysalzaandet de xdiiz noo ne rzëët noo lo de, merpee xpén noo gak de,

³²no zaknan de gonezhe nak ne nli no por ne nli guin nak ne yláá de.

³³Wke men re men: ―Noo yra noo xnëz Abraham zëëd noo, rut lo nakdet noo mén ne che wdoo. ¿Penak na de ne yláá noo?

³⁴Lex re Ne lo men: ―Nligue yna noo lo de, ne yrandxee mén ne rlaa dol che wdoo men lo dol.

³⁵Te mén ne che wdoo ngabdet men lad zhiin familye ne wka men, per le zhiin familye guin lo familye guin ngab ne.

³⁶Por neguin belne rselaa XPee Dëdyuzh de, laa de gak men ne nlipee wláá.

³⁷Che nan noo ne xnëz Abraham zëëd de yra de, per rlaan de yket de noo, porke rlaleedxdet de ne rzëët noo.