Text copied!
CopyCompare
Bab dummad Jesucristoba igar mesisad garda - Juan - Juan 8

Juan 8:24-34

Help us?
Click on verse(s) to share them!
24A-ular an bemarga sogsa-gusmalad, be-iskuedgi na be burgwemaloye. Ar be an-abingasurmalale an doa, na be-iskuedgi be burgwemalodo.
25Judio-dummagan Jesúsga sogdemarsun: —¿Ar be doa-sunna? Degi Jesús, abin-sogded: —Ar iduar bato an bega sogsamalad, an doa-dule.
26Emi bemar-noar-nanadiidbali ibmar-bukidar an bemargi-soged nikad. Ar dule-an-barmialiddi napiragwadbi ibmar soged. Andi, an a-itosadba, we-napneggi-bukmaladga an sogdimogad.
27Ar Judio-dummagan aku itosmalad deun Jesús sogsa-gusgu, an-barmialidye. E-Babgi ega sunmaked.
28Degi Jesús sogdebar: —Ar ani Dule-Machi, bemar nakrusgi-biokegala niba an-onakwismalale, geb bemar wisgunonimaloed, an doa-dule, degine, an-itolegedba an ibmar-imakdisulid. Ar an-Bab an-odurdaksadba, deyob an sunmakdiid.
29Ar an-Bab-an-barmialid anba gudiid, wargwen an-metedisulid, ar ade an bela-ibmar-imakedi, an-Bab-nabir-itogedi an imaked.
30Jesús weyob sunmakedba, bukidar egi bensuli-gunonimalad.
31Jesús Judiomar-egi-bengussurmaladga sogded: —Ar bemar an-gaya-burba-sunmakedgi nue eba nanaele, nue bemar an-sapingan-sunnadga gumaloed.
32Degine, bemar igar-napiragwad wisgunonimaloed, degine, igar-napiragwad iskuedgi bemar-ollorsanonikoed.
33Judiomar, Jesús-abin sogdemalad: —Anmar Abraham-e-wagan gumalad, anmar aimar-maiga gwen gudisurmalad, degite, ¿ibiga be anmarga sogsunna: ‘Bemar ollorgunonikoye?’
34Jesús, abin-sogded: —Napira an bemarga soged, dulemar-iskuedgi-gudimaladi, we-iskuedse mailedimalad.

Read Juan 8Juan 8
Compare Juan 8:24-34Juan 8:24-34