JUAN 8:13-22

¹³Lex re men ne nak farisew lo Ne: ―Laake de rzëët xkwent de; nlidet negwa ne rzëët de.

¹⁴Wke Ne re Ne: ―Ne rzëët noo nli we, nyaalzhe noo ke rzëët xkwent noo. Porke nan noo gan pazh wruu noo no nan noo gan pazh tsa noo; per le laa de yra de nandet de gan pazh wruu noo, ni nandet de gan pazh tsa noo.

¹⁵Laa de yra de rlaa de gyelextis noze zegne nak de ne nak de noze mengyëzlyu, per le noo rut lo rlaadet noo gyelextis.

¹⁶Per belne ylaa noo gyelextis, xnëz ylaa noo we, porke let tesdet noo ylaa we, sinke yrup noo Dëdyuzh Xuz noo ne wxaal noo zëëd noo ylaa we.

¹⁷Lo xley de yra de zëëd ne chene nuu txup testig ne tese rnii, nli ne rnii men.

¹⁸Noo ke nak te men ne rzëët xkwent noo, le ste men nak Xuz noo ne wxaal noo zëëd noo.

¹⁹Lex re men: ―¿Gozh xuz de naa? Wke Jesus, re Ne: ―Laa de yra de rnebeeydet de noo, ni rnebeeydet de Xuz noo; belne nako ne rnebeey de noo, rnebeey ke de Xuz noo.

²⁰Yra diizree re Jesus lo mén or ne kaneluu Ne men lenxeydoo Dëdyuzh nes ledne zu yra ne rguu mén goon. Per rut wbigdet nnëëz Ne, porke gardet ydxiin xor Ne ne yzuun Ne.

²¹Wberee Jesus re Ne ste: ―Noo sya noo, skaye de noo yra de, per zetno de xdol de, no gakdet tsa de ledne gya noo.

²²Orguin re men-Israel: ―¿Peguin sket men men laake men, por neguin na men ne gakdet tsa be ledne gya men?