Juan 7:42-49

⁴²Bokon kada kanana’t dit naikanglita Ugud Apudyus un, si Kristu, kaganakan ali David un maiyanak sidin Betlehem un ili un ininggawan ali David sidit?”

⁴³Utdiyon, nagogwa dat tagu ta nanuttuwa dat udum yoong adin dat udum.

⁴⁴Ot piyaon dat udumona dokmaan, yoong naid osa’t nanekgel kan siya.

⁴⁵Utdit mangulin dat suldadu, sadat aappun di padi kan Fariseo un nangibaun kan dida inimusan da dida un, “Apay adiyu indatong situ?”

⁴⁶Summungbat dat suldadu un, “Naid makapada utdin laing na un man-ugud!”

⁴⁷Ot summungbat dadit Fariseo kan dida un, “Naallilaw kayu kad payon kan siya?

⁴⁸Awad kad tigammu yu utdan pappangat yu onnu Fariseo ut manuttuwa kan siya?

⁴⁹Yoong naigiyaw danata manuttuwa kan siya ta maid tigammu da utdit lintog Moses.”