Juan 7:4-17

⁴Nel leezha lee tub xaa nzhekla xaa wii re xaa lo xaa, nanlet xaa re kwaan xlaan. Chol nle lu re kwaan kwenta kwaane, bleya delant lo re myet.

⁵Nu nixa re wech xaa nanzakt lee xaa nak xaa mxaal Dios yaad.

⁶Jesús nzhé: —Zer zhin gor cheen na, per lee re gu rese gor nak wen ya gu.

⁷Lee re xaa yizhyo nyent mod yii ne re gu; per lee na nayii xaa ne xaa na, nel na nlu lo re xaa lee kwaan nle xaa nak kwaan nawent.

⁸Gwa gu yalni, nayat na nal, nel zer zhin gor cheen na.

⁹Nzhé xaa kwaane lo re wech xaa, nu mlakeka xaa Galilea.

¹⁰Gorna ngulo nzha re wech Jesús, noka Jesús ngwa yalni, per ngwa xaa xlaan.

¹¹Lee re xaa sawlazh nu nkwaan xaa lo yalni, nu mbezh re xaa: —¿Pa nzha xaa zee?

¹²Lee re myet mdildiizh. Lak xaa mbezh: “Nak xaa tub xaa wen”; per zlak xaa mbezh: “Nanakt xaa tub xaa wen; nebse nkade xaa re myet”.

¹³Per nik tub xaa nabezht kwaane delant lo re xaa, nel nzheb re xaa ne xaa re xaa non.

¹⁴Nzhadedla rol yalni, zeera lee Jesús mzeeb lo lach roo yidoo nu mzelo xaa mseed xaa re myet.

¹⁵Lee re xaa ndedyall nu mbezh re xaa: —¿Xomod tant nzhak xaa ne, nu namseedt xaa?

¹⁶Jesús mkeb lo re xaa nzhé: —Lee kwaan nlu na nanakta cheen na, leeya nak cheen xaa mxaal na.

¹⁷Chelee tub xaa nzhekla le kwaan nzhekla Dios, nzho mod labeyy xaa chelee kwaan nlu na nak cheen Dios o cheen na.