Juan 7:36-52

³⁶Ie dáɨnana, “Cuena jénoitɨomoɨ mei íadɨ cuena báiñeitɨomoɨ, cue illɨ́nomo jáinidɨomoɨza,” ¿nɨe izói daɨde? —daɨdíaɨoɨ.

³⁷Rafue íiraɨruimo jamánomoidɨrui. Aféruido Jesús naidáillanona como aillo uaido úrite: —Nana jiróacadɨmɨe cuemo bi; jíruaɨbi.

³⁸Cuegáuai daɨna izói, cuena ɨ́ɨnotɨmɨe ie comécɨmona áillue imani tua izói aillo ñue cáataitɨfuiaɨ biite, —daɨde.

³⁹Aféfuedo nana afémɨena ɨ́ɨnotɨno Ñuera Joreño llɨ́ɨnoitiaɨoɨ daɨde. Ua mei, Ñuera Joreño naɨ biñede, Jesús ie cáɨmafue ebíredɨfue dɨga naɨ llɨ́ɨnoñena jira.

⁴⁰Dáarie comɨnɨ cɨ́gɨmona aféfuena cacáillano daɨde: —Uáfuena bímɨe uai llóraɨma, jaiai nɨnomo bíacadɨmɨe, —daɨde.

⁴¹Jɨáɨmacɨ daɨdíaɨoɨ: —Bie ua Cristo. Mei íadɨ jɨáɨmacɨ daɨdíaɨoɨ: —¿Nɨe izói Cristo dɨno Galilea ímɨeite?

⁴²Cuegáuai llote: “Jáiaidɨllaɨma David, ie izíe ímɨena Cristo iite. Ua Belén ímɨena iite, afe jófuemo naui David íteza,” —daɨdíaɨoɨ.

⁴³Daɨí nana comɨnɨ Jesús ɨ́coɨnia dázierie bózietaidiaɨoɨ.

⁴⁴Dámɨerie Jesús maɨáno úiacadiaɨoɨ, mei íadɨ buna daɨí ñeñena.

⁴⁵Gaɨríraco jabóllaɨnɨ abɨdo fariséuaɨ illánomo, daje izói lletáriraɨnɨ illaɨnɨ illánomo bitíaɨoɨ. Afémacɨ íaɨoɨmo jɨcánote: —¿Nɨbái mei íena atɨ́ñedɨomoɨ? —daɨde.

⁴⁶Jira jabóllaɨnɨ (jɨáɨfodo mameina llavériraɨnɨ) uai otíaɨoɨ: —Jaca nɨnomo buna afémɨe úrilla izói úriñede, —daɨdíaɨoɨ.

⁴⁷Jira fariséuaɨ daɨdíaɨoɨ: —¿Omoɨ daje izói ja jɨ́fuegamacɨdɨomoɨ?

⁴⁸¿Caɨ illáɨcomɨnɨ dáarie íena ja ɨ́ɨnotiaɨoɨ fariséuaɨ dɨga? ¡Jaca ɨ́ɨnoñediaɨoɨ!

⁴⁹Mei íadɨ bie comɨnɨ ocuícafuiaɨ onóñediaɨoɨ, ja faidócaiaɨoɨza, —daɨdíaɨoɨ.

⁵⁰Nicodemo, naɨo Jesumo eróizaɨbitɨmɨe daa fariseo imácɨmona. Iaɨoɨna daɨde:

⁵¹—Caɨ ocuícafue daɨna izói buna duere fɨnónidɨcaɨ, nano fueñe íena caɨ cácañeniadɨ, ie fɨnócafuena caɨ ónoillena, —daɨde.

⁵²Mei jira uai otíaɨoɨ: —¿O jɨáɨ daje izói Galilea ímɨedɨoza? Cuegáuai fácado. Dɨnomo cɨ́oitɨo buna uai llóraɨma Galiléamona biñede, —daɨdíaɨoɨ.