Juan 7:25-34

²⁵Ie mei Jerusalemo dáarie itɨ́nomona jɨcánuaidiaɨoɨ: —¿Bímɨe íaɨoɨ fáiacagamɨeñede?

²⁶Mei íadɨ batɨ́nomo comɨnɨ cɨ́gɨmo úrite íadɨ buna nɨe izói daɨíñena. ¿Uáfuena caifóidɨmacɨ bímɨe Crístoza ɨ́ɨnotiaɨoɨ?

²⁷Mei íadɨ caɨ, afémɨe nɨnómona ie bíllana onódɨcaɨ. Iadɨ ɨbana Cristo bíadɨ, buna nɨnómona ie bíllana ónoñeite, —daɨdíaɨoɨ.

²⁸Afena cacáillano Jesús naɨ gaɨríracomo llófuia llezica rɨire daɨde: —¿Cuena onódɨomoɨza? ¿Nɨnómona bitɨ́cueza onódɨomoɨ? Mei íadɨ dama cue comecɨ izói biñédɨcue, íadɨ caade cue orédɨmɨemona bitɨcue. Afémɨe jaca itɨ́mɨe. Afémɨena onóñedɨomoɨ.

²⁹Afémɨena onódɨcue, afémɨemona bitɨ́cueza, ie orécacueza, —daɨde.

³⁰Iemona íena lláviano úiacadiaɨoɨ. Mei íadɨ naɨ buna íena llaɨtáñede, naɨ ie llaɨtáillɨruimo dúcɨñedeza.

³¹Mei íadɨ aillo comɨnɨ íemo ɨ́ɨnotiaɨoɨ; daɨdíaɨoɨ: —Cristo bíadɨ ¿bímɨe fɨnoca cɨ́ofɨnina onótafuiaɨ baɨmo fɨ́noite? —daɨdíaɨoɨ.

³²Fariséuaɨ comɨnɨ Jesuna dáɨnana cacádiaɨoɨ. Jira lletáriraɨnɨ illaɨnɨ, gaɨríraco jabóidɨllaɨmaɨaɨ orede Jesús llaɨtada úillena.

³³Jira Jesús uai ote: —Omoɨ cɨ́gɨri dama íanori nɨé dɨno íitɨcue. Ie méifodo cue orédɨmɨe dɨné jáitɨcue.

³⁴Cuena jénoitɨomoɨ mei íadɨ cuena báiñeitɨomoɨ, cue illɨ́nomo jáinidɨomoɨza, —daɨde.