Juan 7:2-17

²Judiu­kunapa sug atun puncha­kuna ña chaia­kurka. Chi puncha­kuna iuia­ri­diru karka, tambu­kuna ruraska­lla­pi kaug­saska.

³Chi­manda Jesuspa waug­ki­kunaka, paita nir­ka­kuna: —Kai­manda llugsispa, Judeama rii, chipi kamta kati­raiag­kunata kam ima rura­kuskata kawa­chin­ga­pa.

⁴Mai­kan­pas rigsi­chi­rin­ga­pa munag­kuna, mana pakalla ruran­kuna­chu. Kam chi­tuku ima­pas­sik alli­lla rurangi; chita tukui­kunapa ñawi­pi kawa­chig­rii—.

⁵Ñi kikin Jesus­pa waugkindi­kuna, paita mana iuia­na­kuspa­mi chasa kachan­ga­pa rima­ri­na­kurka.

⁶Jesuska ainirka: —Nuka rin­ga­pa puncha, mana­ra chaia­puanchu. Ikuti kam­kuna rin­ga­paka, ima­ura­pas alli­lla­mi ka.

⁷Kai alpapi tias­ka­kuna­lla­wa iuiag­kuna, mana kam­kuna­wa rabiai iukan­kuna­chu. Ikuti nuka­ta­mi mana muna­wan­kuna, pai­kuna mana alli­lla rurai­kunata piñaspa rimag­manda.

⁸Kam­kunaka rii­chi, chi atun puncha­kuna iali­chin­ga­pa. Nuka rin­ga­pa puncha manara chaia­puag­manda, nukaka manara rin­ga­pa kani—.

⁹Chasa nis­paka, Gali­lea alpa­lla­pi chisiarka.

¹⁰Ña paipa waugki­kuna atun puncha­kuna iali­chin­ga­pa riska­ura­mandaka, Jesuspas rirka. Pi­ta­pas mana kawa­rispa­lla paka­lla­mi rirka.

¹¹Chi­kama judiu­kunaka, chi puncha­kuna paita maska­na­kuspa, pai­pura tapu­ri­na­kurka: —Chi runa, ¿maipi­sik ka?

¹²Chi achka runa­kuna, ajaimi pai­manda rima­na­kurka. Sug­kuna ni­na­kurka: —Iapa allimi ka. Ikuti sug­kunaka ni­na­kurka: —Manima. Tukui runa­kunata llulla­chispa­lla­mi ka—.

¹³Judiu­kunata manchaspa­mi pai­manda alli­lla mana kawa­riglla rima­na­kurka.

¹⁴Chi atun puncha­kuna ña chaugpi iali­ku­uraka, Jesuska, Diuspa atun wasi ukupi iai­kug­rispa, iacha­chii kalla­rirka.

¹⁵Paita uias­paka, judiu­kuna iapa ujna­rispa­mi kikin­pura tapu­ri­na­kurka: —Kai runa, ¿imasa­manda­sik chi­tuku iachá, ñi pi­wapas mana iachai­kuspa­lla?

¹⁶Chi­uraka, Jesuska nirka: —Nuka kikinpa iuiai­lla­wa mana iacha­chi­na­kui­ki­chitachu. Nukata kacha­mu­wagpa iuiai­wa­mi iacha­chi­na­kui­ki­chita.

¹⁷Mai­kan­pas Taita Dius imasa munaska­sina ruran­ga­pa munag iachanga­pa­mi ka, nuka iacha­chi­kuska, Taita Diuspa iuiai­wa kagta. Mana nuka­pa iuiai­lla­wa kanchu.