Text copied!
CopyCompare
El Nuevo Testamento en nahuatl de Tetelcingo - Juan - Juan 6

Juan 6:7-14

Help us?
Click on verse(s) to share them!
7Felipe otieyelfe: ―Ume cientos denarios tomi de pöntzi amo axelis, para cara sesen tlöcatl quecuös tepetzi.
8Otieyelfe sente tiemachtejque, yaja Andrés, icni Semu Piero:
9―Oncönca necö sente pelalactle quepea möcuile pöntzi de ceböda hua unte mimechte. Pero ini tlacuale para meyac giente amo axelis.
10Yecuöquenu Jesús oquejtojque: ―Xequenchihualticö giente ma motlölicö. Hua oyeya meyac xebetl niepa, hua omotlölejque quieme möcuile mil tlöca.
11Yecuöquenu ocönque Jesús inu niecaju pöntzi, hua cuöc ye tietlasojcömatelejque Deus, quenxiexelfejque giente tli ye motlölejtaya. Hua ejqueu nuyejque oquechijque ca mimechte, hua giente otlacuajque hasta cöne yejua ayecmo quenequeya.
12Hua cuöc yejua ye oijixbeque Jesús oquenmelfejque tiemachtejcöhua: ―Xecuejcuecö tli ococotocac, majcamo tli niempolebe.
13Entunses oquepejpenque, hua oquentiemitejque majtlactle huan ume chequejme ica pöntzi cojcotoctec de inu möcuile pöntzi de ceböda, tli oquixbecöjque cuöc ye otlacuajque.
14Yecuöquenu niecate tlöca, cuöc quejtaque inu nieca tietzöbetl tli Jesús oquechijque, quejtojque: ―Ini nönca de melöhuac icaca inu tlayulepante öque huölösquea ipa nönca tlöltecpactle.

Read Juan 6Juan 6
Compare Juan 6:7-14Juan 6:7-14