JUAN 6:6-17

⁶Per noze ne re Ne zenga chen gan pe gue Blib, porke che nan Ne gan pe ylaa Ne.

⁷Wke Blib, re Blib: ―Per ni lal ne run te mos gan txupgwyuu gbiz gaglodet por ne yka be gyëtxtil chen yganen men mase teblago teblago te te men.

⁸Lex wke ste xpén Jesus, men ne la Ndrizh bech Simon-Bëd, re men:

⁹―Nee zu te mee ne neey gaay gyëtxtil cebada no le txup mël, per ¿pe ylaandxee neree lo lal ne mén?

¹⁰Lex re Jesus: ―Gugue lo yra mén sob men. Kom kesentyent ndxiib gyizh lugar guin, lex wzob men. Zeg gaaymil nak nonchee mgyeey.

¹¹Orguin wgoob Jesus gyëtxtil guin, wdee Ne dexkyizhtee lo Dëdyuzh. Wluzh nga wdee No lo yra xpén Ne, lex laa men wgyiizo lo yra mén ne zob nga; zenga ke wlaa Ne mël, wu men laltee ne wlaan men yrandxee men.

¹²Chene che wyezaa men, re Ne lo yra xpén Ne: ―Gutop yra ne wrukaa chen xiindeto.

¹³Lex wtop men yra gyëtxtilbla ne wrukaa, wsezaa men chibtxup tsegwed delo gaay gyëtxtil guin.

¹⁴Ne wii yra mén guin gyelmilaguer ne wlaa Jesus, re men: ―Nli ne laa profet ne rap degne chiid gyëzlyu nee.

¹⁵Per kom wdee Ne kwent ne rlaan yra mén guin sano men Ne lafwers chen ylaa men Ne rrey, lex wyeep Ne mazre gyadee xtoo gyeey guin chen su Ne tete Ne.

¹⁶Chene che zëdnit lyu, wzeeb yra xpén Jesus den wdxiin men runis,

¹⁷wdee men lenbark wdekaa men stebkoo nis chen ydxiin men Capernaum. Che waknkeb no gardet yberee Jesus.