52Yecuöquenu joriojte mocöcamapanabiöya sente ca ocsente, hua oquejtojque: ―Ini nönca tlöcatl, ¿quiene noso tiechmacas inacayo ma tejcuöcö?
53Por inu Jesús oquemelfejque: ―Melöhuac, melöhuac nemiechelfea: Tlö amo nenquecuösque nonacayo de naja que onochi netlöcatl, hua tlö amo nenconisque noyeso, amo nenquepea nemelestle ipa nemoyulo.
54Öque quecua nonacayo hua cone noyeso, quepea nemelestle nochepa, hua naja necyulebitis ipa sölúltimo tunale.