34Nunacunaman niyarqan: —Tëte, cananpita witsepana tse tantalläcuna qarecalläyämë —nishpa.
35Jesusnam nerqan: —Noqam tse cawatsicoq tantaqa cä. Noqaman shamoq caqqa manam imepis mallaqanqatsu, y noqaman marcäcoq caqqa manam ni imepis yacunanqatsu.
36Peru niyashqaqnollam rurashqäcunata riquecarninpis, noqaman creyiyanquitsu.
37Dios Yaya qomashqancunaqa pi mepis noqamanmi shayämun y noqaman shamoqcunataqa manam qarqushaqtsu.