Juan 6:3-21

³Jesuska, awa lumama sikaspa, kati­raiag­kuna­wan­ta tia­rirka.

⁴Judiu­kunapa paskua atun puncha ñami chaia­kurka.

⁵Chi lumapi tia­kus­paka, Jesus­ka tukui­kunata kawarka, chi achka runa­kuna pai­pagma kailla­ia­na­kug­ta. Chasa kawas­paka, Feli­peta tapurka: —¿Maipitak tanda randin­chi, kai tukui runa samu­na­kuskata karan­ga­pa?—.

⁶Chasa tapurka, Felipe imasa ai­nigta uian­ga­pa. Jesús kikin alli­lla­mi iacharka, imasa ruran­ga­pa chaia­kugta.

⁷Chi­ura, Felipe ainirka: —Iskai patsa puncha ganaska kulki­wa tanda randispa, manachar kai tukui runa­kunata sug sug uchu­lla piti­lla­pas karan­ga­pa pagtantra.

⁸Sug paita kati­raiag, Simón Pe­dropa waugki Andrés sutika, nirka:

⁹—Kaipimi ka sug wam­bra. Pichka sibada tanda i iskai chalwa­mi iuká. Chika, ¿imatak pagtanga, kai tukui achka runa­kunata karan­ga­pa?

¹⁰Jesuska nirka: —Tukui­kunata nig­rii­chi, tia­ri­chu­kuna. Suma ugsa chipi tiarka. Mai pichka waranga runa­kuna, chipi tia­rir­ka­kuna.

¹¹Chi­ura Jesuska, chi tan­da­kunata chari­rispa, “Pai Siñur” Taita Diusta nirka. Nis­paka, chipi tia­na­kuskata kuaspa richirka. Chalwa­kuna­ta­pas chasa­lla­ta kuaspa richirka. Chi­ura tukui­kuna, masa munaska chaskispa mikur­ka­kuna.

¹²Tukui­kuna ña sagsagta miku­uraka, Jesuska kati­raiag­kunata nirka: —Piti­kuna puchus­ka­kunata tanda­chii­chi, mana sita­na­kuchu.

¹³Chasa uias­paka, chi pichka si­ba­da tanda piti piti­kuna puchus­ka­kunata chunga iskai saparu jun­da­mi tanda­chir­ka­kuna.

¹⁴Chi mana ima­ura­pas ruraska­sinata kawas­paka, tukui chipi kag­kuna nir­ka­kuna: —Santu Ispi­ri­tu­wa rimag runa kai alpama samun­ga­pa willa­ra­iaska, kaimi chi runa kan­ga­pa ka.

¹⁵Tukuikunami muna­na­kurka, Jesusta apispa, atun mandag chu­ran­ga­pa. Paika, chasa iuia­na­kugta iachas­paka, anchu­rispa, chi awa lumama kutirka, sapalla kan­ga­pa.

¹⁶Ña chisima ka­uraka, Jesusta kati­raiag­kunaka atun kuchama urai­kur­ka­kuna.

¹⁷Ña tuta­iaska ka­ura, Jesús manara pai­kuna­pagma chaiag­riska karka. Chi­manda, kanua­pi iai­kus­paka, kucha sug ladu chimba rii kalla­rir­ka­kuna, Kafar­naum pui­bluma chaiag­rin­ga­pa.

¹⁸Pai­kuna chimba­na­ku­uraka, iapa sin­chi waira, ata­rispa, iakuta wagta­chii kalla­rirka.

¹⁹Pai­kuna ña mai pichka u sugta chunga kuadra­sina iakupi ri­na­ku­ura, Jesús, chi iakupi awalla chaki­wa saruspa saruspa, pai­kuna­pagma kailla­ia­kugta kawar­ka­kuna. Chasa kawas­paka, ajaimi mancha­rir­ka­kuna.

²⁰Jesuska nir­ka­kunata: —Nukami kani. Mana mancha­na­kui­chi.

²¹Chasa uias­paka, alli iuia­chi­rispa, paita: —Kanuama samui— nir­ka­kuna. Chasa ni­na­kug­lla­pi, mai­ma ri­na­kuska­ma chaiag­rir­ka­kuna.