Juan 6:14-20

¹⁴Or mwii re men re milagr kuu mtsow Jesús, tsa nzhab re zha: ―Wlipaa lee zha ree nak profet kuu ne Diox yaad lo yezlyu.

¹⁵Per myeen Jesús lee re men ngwalaaz to Jesús, tsa gak Jesús rey lo re zha, kona tee mbeche Jesús lo re zha, ne ngwa thita Jesús yek yii tedib welt, tak nlaaz Jesús to thita Jesús.

¹⁶Or ngoo yaal, lee re zha kuu ngeteed lo Jesús ndala roo nitdoo,

¹⁷ne mke re zha leen thib kano par rid zha tedib lad nitdoo, par tsin zha yez Capernaúm. Ne ngooʼa yaal lee Jesús terka tsin lo re zha.

¹⁸Ne lee thib mbi thoz mroo mndelo mkwin nitdoo.

¹⁹Ne or ndaʼa re zha teeka thib gaay mil o xoop mil metr lo nitdoo, tsa mwii re zha lee Jesús ndetsin lo re zha ndyaad nde lo nitdoo, tsa kwathoz mzeb re zha.

²⁰Ora nzhab Jesús lo re zha: ―¡Tsebt goo nay!