JUAN 6:1-7

¹Zhich guin wa Jesus stebkoo nis-Galilea ledne la ke nis-Tiberias.

²Ndalyaa ndalduxtee mén wa wanal Ne, porke wii men yra gyelmilaguer ne rlaa Ne ne rneseyaken Ne mén ne rzhuun.

³Lex wyeep Ne te txu gyeey wzob Ne yra Ne xpén Ne.

⁴Laatee cheguin zëdyob pask lni ne rlaa men-Israel.

⁵Chene wlis lo Ne, wii Ne ndalyaa ndalduxtee mén za lo Ne, lex re Ne lo Blib: ―¿Pazhleg yka be ne gu yra ménree?

⁶Per noze ne re Ne zenga chen gan pe gue Blib, porke che nan Ne gan pe ylaa Ne.

⁷Wke Blib, re Blib: ―Per ni lal ne run te mos gan txupgwyuu gbiz gaglodet por ne yka be gyëtxtil chen yganen men mase teblago teblago te te men.