Juan 5:40-44

⁴⁰yan sigaan yo pay dedan ay maitapi en sak-en ta idawat ko koma en dakayo di biyag.

⁴¹“Adiak masapol ay omit-ek di ipogaw, ngem olay mo say masapol ko koma, baken dakayo di omit-ek,

⁴²tan ammok dedan di nemnem yo ay magay layad yo en Diyos.

⁴³Nay inmaliak sina ay si Amak di nangidawat si kalebbengak, yan adi kayo omawat. Ngem mo waday esa ay omali ay mangit-ek sin mismo ay kalebbengana, sisya di awaten yo.

⁴⁴Intoy iyat yo aya ay mamati? Tan din layden yo et din pan-asidayawan yo, ngem adi yo pagan-ano din pangit-ekan di es-esa ay Diyos en dakayo.