Juan 5:34-42

³⁴Wedad keilangan ko te doen otaw meg-indan te benal tepad kanak. Meneng pineeneng-enengan ko sikiyo tepad te inikagi i Juan Memonyagay amon memenal kaw kanak, aw mekelowà kaw lekat te salà.

³⁵Si Juan Memonyagay, iling sikandin te solò ontò meanyag, aw neluba kaw tandà te intoladà din kenyo te wedà kenamay.

³⁶Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

³⁷Sikandin se mig-indan te benal tepad kanak, meneng wedà kaw keibeg menenalan te kagi din kenyo. Wedà kaw heman keibeg komità kandin.

³⁸Eked niyo heman soli se kagi din kidoen te pedowan niyo, so pengkey insogò a din, eked a niyo pemenali.

³⁹Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

⁴⁰meneng eked kaw pa pemenal kanak, aw yan eked kaw begayi te kaling pedowan wedad temanan.

⁴¹Kenà aw egkeibegan ko se duyun te otaw,

⁴²meneng netegahan ko te wedad kedakel te pedowan niyo diyà te Timanem.