JUAN 5:2-11

²Nga guex ledne ka yaglaa ne la xyaglaa Mëkzhiil zob te tank, Betesda la we diz-hebreo; gaay kordor rapo.

³Ndal mén ne rzhuun ndxin nga, menngwlëë, mennguzh, no le mén ne noze waknet led, kambë́z men ne yni lo nis ne nuu lentank guin.

⁴Porke nakse nakse chene ryët te xangel Dëdyuzh rneni ne nis guin, mén ne kwlodee rdee lentank guin or ne rni nis guin, ryaken men kwaskyertee gyelgyiz ne rzak men.

⁵Lad yra mén guin nuu te mgyeey ne che wzaa galebchibxun iz rzhuun.

⁶Chene wii Jesus nex men nga no ne wyenen Ne ne che wakxcheroo rzhuun men, wnabdiiz Ne lo men, re Ne: ―¿Pe rlaan de gakngyëël de?

⁷Wke mengyiz guin, re men: ―Dechey, yëten noo txu ysee noo lo nis or ne rni we. Te te chene rlaan noo tee noo, kwlodee ste mén rdee.

⁸Lex re Jesus lo men: ―Gutsaxee gulis xloon de, gugya.

⁹Orgueguin wyaken mén guin, wlis men xloon men, wzelo men rzaa men. Kom dxe ne rne men-Israel nak dxe guin,

¹⁰neguin re men-Israel lo mén guin ne wakngyëël: ―Dxe ne rne be nak nedxeree; ndux gweey de xloon de.

¹¹Wke mén guin, re men: ―Laa men ne wneseyaken noo na lo noo: “Gulis xloon de, gugya.”