JUAN 5:10-20

¹⁰Huajca nopa tayacanca israelitame quiilhuijque nopa tacat cati mochicajtoya: ―Ama sábado huan itanahuatilhua Moisés amo mitzcahuilía para tijhuicas mopet.

¹¹Huan yaya quinilhui: ―Nopa tacat cati nechchicajqui, nechilhui ma nijtanana nopet huan ma ninejnemi.

¹²Huajca quitatzintoquilijque: ―¿Ajquiya mitzilhui para tijtananas mopet huan xinejnemi?

¹³Pero yaya cati mococohuayaya amo quimatiyaya ajquiya quichicajtoya pampa Jesús quistejtoya huan nejnemiyaya inihuaya nopa miyaqui masehualme cati itztoyaj nopona.

¹⁴Pero teipa Jesús quipanti nopa tacat ipan tohueyi israelita tiopa huan quiilhui: ―Xiquita, ya tiitztoc cuali, huajca ayecmo xitajtacolchihua para amo mitzajsis cati noja más ohui.

¹⁵Huan nopa tacat yajqui huan quinilhui nopa tayacanca israelitame para elqui Jesús cati quichicajtoya.

¹⁶Huan yeca nopa tayacanca israelitame pejque quitoquilijtinemij Jesús para quimictise pampa quichihuayaya tamanti quej nopa ipan sábado quema tiisraelitame san timosiyajquetzaj.

¹⁷Huan Jesús quinilhui: ―NoTata, Toteco Dios noja tequiti, huajca nojquiya monequi na nitequitis.

¹⁸Ica ya ni nopa tayacanca israelitame más quinequiyayaj quimictise Jesús, pampa amo san quichicajtoya se tacat ipan sábado pero ama quitocaxti Toteco Dios: “NoTata”, quej elisquía itztoc san se ica Toteco.

¹⁹Huajca Jesús quinilhui: “Nelía nimechilhuía, na cati niIcone amo teno hueli nijchihua noselti. Nijchihua san cati niquita noTata quichihua. Nochi tamanti cati noTata quichihua, ya nopa na niIcone nojquiya nijchihua,

²⁰pampa noTata nechicnelía huan nechnextilía nochi cati yaya quichihua. Huan noTata nechnextilis tamanti cati noja más huejhueyi que ni cati nijchijqui quema nijchicajqui ni tacat, huan amojuanti san anquitachilise huan anquitetzaitase.