Text copied!
CopyCompare
Ri utzilaj tzij re ri kanimajawal Jesucristo - Juan - Juan 5

Juan 5:1-4

Help us?
Click on verse(s) to share them!
1Kꞌate tanchi kꞌu riꞌ, ri Jesús xtzelej Jerusalem echiriꞌ raj judiꞌabꞌ kꞌo jun kinimaqꞌij.
2Chupa kꞌu laꞌ la tinamit, chunaqaj ri Okibꞌal ke Bꞌexex, kꞌo jun nimalaj atinibꞌal, “Betesda” rubꞌiꞌ pa ri chꞌaꞌtem hebreo. Waꞌ woꞌobꞌ uchiꞌ ja kꞌo che.
3Chiriꞌ e kꞌo ukꞌiyal yewaꞌibꞌ e kotzꞌerinaq; e kꞌo potzꞌ, jetzꞌ y sik. Konoje rike koyeꞌem echiriꞌ kasilabꞌ ri yaꞌ,
4ma xa chirij ora kaqaj lo jun ángel y kurujuraꞌ upa ri yaꞌ. Ekꞌu riꞌ ri nabꞌe kukꞌaq bꞌi ribꞌ chupa, riꞌ kel loq kunutajinaq chik tobꞌ saꞌ ri yabꞌil kꞌo che.

Read Juan 5Juan 5
Compare Juan 5:1-4Juan 5:1-4