9Per lee re zha Israel nzaalt leettsoo kon re zha Samaria, kona lee ngota mkab, ne nzhab lo Jesús: ―¿Chebee lon naaba nit, si zha Samaria nakʼn ne lee lu nak zha Israel?
10Lee Jesús mkab lo ngot ne nzhab: ―Os leeʼa nlebeeʼa kuu nataak kuu ndelaaz Diox, ne os neʼa naa cho nak zha kuu ngenaab nit loʼa, ne os lu naaba nit lo zha, lee zha taa nit kuu ndaa yalnaban guʼa.
11Tsa lee ngot nzhab lo Jesús: ―Zha Nabee, per neeka thib kuu ndenta par kooʼa nit, ne lee pos kwathoz naats, ¿ne pa nkenoʼa nit kuu ndaa yalnaban kuu taaʼa gun?
Juan 4
Juan 4:9-11