Juan 4:36-51

³⁶Lee xaa ntop yalgon nzhex nka, nu lee yalgon kwaan ntop xaa nak kwaan ndii tira, zee lee xaa kwaan mlo ben nu xaa kwaan mtop yalgon, gak chul lextoo rop xaa.

³⁷Nel wli mod nii xaa: “Tub xaa ngo ben lo yo nu stub xaa ntop yalgon”.

³⁸Na mxaal re gu zee top gu yalgon kwaan namgaant gu, stub naz xaa nak xaa mgaana nu mdexkwaaya, per re gu topa nu kayaaya.

³⁹Zyen doo xaa yezh Sicar yizhyo cheen Samaria, mwii lo Jesús, nel lee ngwnaa zee nzhé lo re xaa: “Nguné xaa rese kwaan mle na”.

⁴⁰Nu kwaanzee gorna mzhin re xaa yezh ba lo Jesús, ngunaab xaa lo Jesús zee kwaz xaa lo re xaa. Zee lee re nu mlaz baa chop mbizh.

⁴¹Nu zyen stub naz xaa mwii lo Jesús, gorna nzhon xaa kwaan nii Jesús.

⁴²Nu nzhé xaa lo ngwnaa zee: —Nalsi ne nu wli lee Jesús nak xaa nzaa yalnaban, nu nanakta nebse nel nguné luya lo nu sinka noka nel mbin nu kwaan nguné Jesús lo nu zee ne nu lee xaa nak xaa nzaa yalnaban.

⁴³Gorna ngulo mded rop mbizh zee, Jesús mzen xnaz naz yizhyo Galilea.

⁴⁴Nu leeka Jesús nzhé, lee re sawlazh xaa, xaa nzaa kwent kwaan nzhé Dios lo lee xaa, nagont xaa xtizh xaa.

⁴⁵Gorna mzhin xaa Galilea, lee re myet zee mkayaa xaa chul doo, nel ngune re xaa re kwaan gro kwaan mle xaa lo yalni cheen Paskwa naz yezh Jerusalén, kwaanzee noka lee xaa mzo lo yalni cheen Paskwa.

⁴⁶Jesús mbare naz yezh Caná yizhyo cheen Galilea, paro mle xaa lee nis ngok xis ub. Nu mzhaal xaa kwaan tub xaa non lo rey, nu lee xgann xaa ne ne nzak yezh Capernaum.

⁴⁷Leezha mbin xaa ne lee Jesús mzhin Galilea, ngwa xaa lo xaa nu ngunaab xaa jabor lo Jesús, zee ya xaa garli xaa zee sekwen xaa xgann xaa, xaa merla yet.

⁴⁸Jesús mkeb lo xaa nzhé: —Chelee na nalut na tub nseyn o tub kwaan gro lo gu nawiit gu lo na.

⁴⁹Per lee xaa non lo rey nzhé: —Chaa ya be nal, napa lee xgaan na kayet.

⁵⁰Zee lee Jesús nzhé lo xaa: —Zyaa garli lu; ngokwenla xgann lu. Lee xaa ne mle krer kwaan nzhé Jesús lo xaa, nu mbare xaa garli xaa.

⁵¹Nu gorna nya xaa garli xaa, lee re xmos xaa nzhaxiila xaa kan rol naz nu nzhé lo xaa: —¡Ngokwenla xgann lu!