Juan 4:22-26

²²Lee re goo net goo cho lo nzhool goo, per lee re nee ne nee cho lo nzhool nee, tak lo re zha Israel ndyaad yalnaban kuu thitanax.

²³Per mzina or, ne nal nak or kuu lee re zha kuu wlipaa nzhool lo Diox, gol zha lo Diox taxal nlaaz Mbi Nayon chaan Diox. Tak tata nlaaz Diox gol re men lo Diox.

²⁴Diox nak mbi, ne lee re zha kuu wlipaa nzhool lo Diox, taxal nlaaz Mbi Nayon, ndoblo gol zha lo Diox.

²⁵Tsa nzhab ngot lo Jesús: ―Nen tyaad Zha Kuu taal Diox Nabee (kuu nak Crist), ne leettsa yaad zha, tsa ne zha naa xomod nak reta kwaa lo nee.

²⁶Jesús nzhab lo ngot: ―¡Na nak zhaʼa, kuu ngetediz loʼa!