Juan 3:27-34

²⁷Minikagi si Juan, “Wedad mebatog te otaw singed aw isogò sikandin te Timanem.

²⁸Netegahan niyo den te minikagi a te kenà ko se Misiyas megpelowà kenyo. Meneng insogò a amon megpetagad a te pegdateng din.

²⁹Se meama peipiden, yan se tekingan te bayi. Meneng se sigalak te meama peipiden, yan se megtagad kandin aw menenalan heman kandin, aw meluba se pedowan din te pegdineg din te kagi te sigalak din peipiden. Iling a heman kenyan, so nesikop den se keluba te pedowan ko te pegdineg ko te medita se otaw egtaking ki Jesus.

³⁰Keilangan megkedakel se dengeg i Jesus, aw metostos se kanak dengeg.”

³¹Se insogò dini lekat te langit, yan se ontò melangkaw diyà te kedita. Meneng se otaw dini te tanà, yan se otaw lekat dini te tanà, aw lekat heman te tanà se ipegtoladà din. Meneng se insogò dini lekat te langit, yan se ontò melangkaw diyà te kedita.

³²Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

³³Meneng se otaw memenal te kagi din, yan se otaw megpetaga-taga te benal se kagi te Timanem.

³⁴Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.