Juan 2:14-19

¹⁴Nãnoxõ Nios kĩfiti pexefã mẽraxõ fakkafo, ovejafo, rififo afo ato minikaxõ kori finifo. Nãnori a kori kãmiafamisfori tsaoafono Jesús ato fichini.

¹⁵Jesús ato fichita risfi koshati fata ato koshapaita a ato inafo ato põtaketsani. Ovejafo potakĩ, fakkafo potakĩ fani. Askata yorafori potani. Mĩsa kamaki ãto kori mãchiafo saakĩ fetsani. Mĩsari kexkafaya kekẽfofã potani.

¹⁶Nã rififãfe ãto ifofo ato yoini: “Na mãto inafoya ẽfe Epa Niospa pexe mẽranoax fotakãfe. ¿Afeskakĩ ẽfe Ẽpa pexe mẽraxõ mã afarafo ato miniketsaimẽ kori fixikĩ? Afianã ẽfe Ẽpa pexe mẽranoax afarafo inãnõnãyamakãfe kori fixikĩ. Na ẽfe Epa ãfe pexe mẽranoaxkai mã afarafo minimitsaima,” ixõ Jesús ato yoini.

¹⁷Ato askafaito nikakata aõxõ tãpimisfãfe shinãnifo iskakakĩ: “Chanĩma, Niospa meka nãnorikõi Jesúsnoa kenenifo iskafakakĩ: ‘Epa Niosi, ẽ mĩ pexe kexesharapai a mẽraxõ mia fisti shinãnõfo. Afara fetsa a mẽraxõ anõfoma. Afara fetsakai mĩ pexe mẽranoa ẽ õipaima,’ ixõ kenenifo Jesúsnoa yoikĩ.”

¹⁸Jesús askafaito judeofãfe ãto xanĩfofofãfe yõkanifo: “¿Afeskakĩ Nios kĩfiti pexefã mẽraxõ mĩ ato potaimẽ? Niospa mia yoiaito afara tsõa atiroma keskara noko õimafe nõ mia chanĩmara fanõ,” ixõ yõkaifãfe

¹⁹Jesús ato yoini: “Mã na pexe pãoikano afianã tres nia oxata ẽ anã pexe faxii,” ixõ Jesús ato yoini.