JUAN 2:1-6

¹Ne wyon gbiz wuu te dooy gyëz-Caná ne nak lo lyu ne la Galilea no xnaa Jesus zu lo dooy guin,

²no lo Jesus re mén guin ne ylaa dooy ne tsa Jesus dooy yra Jesus xpén Jesus.

³Chene le bin wbidx, re xnaa Jesus lo Jesus: ―Wbidx xbin men.

⁴Wke Jesus, re Jesus: ―Wnaae, ¿penak na de zegwa lo noo? Gardet ydxiin or ne ylaa noo ne ryal ylaa noo.

⁵Per re xnaa Jesus lo yra men ne rlaa dxiin nga: ―Gulaa yra ne yna Jesus lo de.

⁶Nga zu xuup gyus gye ne rdaa nis ne raa nya yra men-Israel no ne raa nii men, zegnak xkoxtumber men. Te te gyus guin rdaa we zeg tebgwyuu liter nis.