JUAN 2:1-6

¹Huan hualhuiptla eltoya se tlacualistli tlen nenamictili ipan altepetl Caná ipan estado Galilea, huan yajqui inana Jesús.

²Huan nojquiya quinotzque Jesús huan technotzque tiimomachtijcahua, huan nochi tiyajque.

³Huan tlanqui xocomeca atl, huan inana Jesús quiilhui: ―Ayacmo quipiyaj xocomeca atl.

⁴Huan Jesús quiilhui: ―Nane, ¿para tlen techilhuía na? Ayamo ajsi nohora para nimonextis.

⁵Huan inana yajqui quinilhuito nopa tlatequipanohuani ipan nopa tlacualistli: ―Xijchihuaca nochi catli Jesús anmechilhuis.

⁶Huan nepa eltoya chicuase huejhueyi comitl catli quicoyonijtoyaj tlen tetl huan ipan atecayayaj para masehualme ma momajtequica quen toisraelita tlanahuatilhua quiijtohuaj. Huan sesen nopa comitl huelis quicuisquía ochenta hasta cien litros tlen atl.