10Dzigo në Jesús lo no: ―Goḻtënie bla meḻ ne blozh bnaaz to i nu dieṉ.
11Dzigo güey Pedr biep me leṉ barcw, güeyxadz me guiex ne no meḻ ga; dzigo bdobniu mew bdziṉnie mew haxta zaatne nacpaa ro nis. Meḻ tafa, niapse ma mbeew, zeeṉe bgab ma rgaa ma tib gayoo chooptsiiptsoṉ lo grë ma; niicle scataa nzian ma, per blëb guiex co, briezda.
12Blozh ga, bredz me no, në me: ―¡Goḻtë na, zeeṉa gowxeren to! Ni tib no bnabdiidzd lo me dieṉ pe nli mew; sac, ¡rieṉpaa no ne nli mew!
13Dzigo wbig me bdiiz me guietxtil co lo no, bzheṉ me meḻ ne, bneedz me ma lo no.
14Ga bioṉ vuelt brieequia me lo no wlal ne brieeban me.
JUAN 21
JUAN 21:10-14