Text copied!
CopyCompare
Viakʼla txumbʼal u tioxh - Juan - Juan 20

Juan 20:21-26

Help us?
Click on verse(s) to share them!
21Utz tal paj u Jesuus te ech tzaꞌ: —¡Atoj paas tetaanima! Utz kaniꞌch michajtukꞌasuꞌlin vunTat, echat echajax bꞌen nunbꞌaneꞌ.— Texh te.
22Taꞌxh veet taltu u kam tziꞌ, ixuli ok kajiqꞌ kꞌatza. Utz tal te ech tzaꞌ: —Kꞌultaj u Tioxhla Espiiritu.
23Utz abꞌil sekuy ipaav, sakuylu vipaav. Pek abꞌil aꞌ yeꞌk sekuy ipaav, yeꞌk sakuyax majte.— Texhtuꞌ.
24Pek aatz u Maxh, yeꞌkich xoꞌl qꞌu chusulibꞌ aas opon u Jesuus bꞌaxa. Ayaꞌ maꞌl tu kabꞌlaal qꞌu chusulibꞌ vaꞌl Diidimo ibꞌii majte.
25Ech alax te tunjot qꞌu chusulibꞌ ech tzaꞌ: —¡Vetqillu u kuBꞌaal!— Texh te. Pek tal ech tzaꞌ: —Yitꞌ saꞌkojunnima aas qꞌaav itzꞌpia, untzꞌoj yeꞌk savil qꞌu echlal tiqꞌabꞌ u tokebꞌal qꞌu laauxh utz, savoksa viꞌ unqꞌabꞌ tuul. Saꞌkojunnima oj yeꞌk savaqꞌ okoꞌp u viꞌ unqꞌabꞌ tu u txala tuul vaꞌl tzokꞌli.— Texhtuꞌ.
26Uncheeꞌ vaaxajilich tek qꞌii tuul, atich paj qꞌu chusulibꞌ toꞌotzotz. Utz atich tek u Maxh tixoꞌl. Tuul aqꞌbꞌu u Jesuus kꞌuxh jupich otzotz. Utz toksa tibꞌ tixoꞌl. Tal te ech tzaꞌ: —¡Atoj paas tetaanima!— Texhtuꞌ.

Read Juan 20Juan 20
Compare Juan 20:21-26Juan 20:21-26