Text copied!
CopyCompare
Kankanaey Bible - Juan - Juan 20

Juan 20:2-28

Help us?
Click on verse(s) to share them!
2Et nanagtag da ay emey sin kad-an da Pedro ya din pasolot Jesus ay laydelaydena. Kanan Maria en daida, 鈥淜inaan da din awak di Apo tako sin liyang, yan adi mi ammoy nangipay-an da.鈥
3Isonga kalobwat et da Pedro ay emey sin kad-an di liyang.
4Nanagtag da et ay dowa, ngem gapo ta mabmabikas ay managtag din esa mo si Pedro, nangon-ona ay sinmawang sin liyang.
5Nanyakog-ong ay nangitining, et inila na din lopot ay naibotibot en Jesus, ngem adi sinenggep.
6Somawang pay si Pedro, kasegep et inila na din naibotibot ay lopot ay naipapayag
7ya din panyo ay naibedbed sin toktok Jesus. Din panyo et nalopilop ay naikasin di kad-ana.
8Asi aben senggep din esa ay nangon-ona. Sin nangilaana sin lopot ay wadas di, pinati na ay natago kasin si Jesus.
9Tan din inpaisolat Diyos ay kanana en siyat kasin matagos sisya et daan da pay laeng maawatan.
10Asi pag somaa din doway pasolot ay sana.
11Ngem si Maria pay, deda ay pinmipika sin kad-an di liyang ay man-og-oga. Man-og-oga ay nanyakog-ong ay nangitining sin liyang.
12Kambaw et waday dowa ay anghel ay nanbabado si mankilat. Tinmotokdo da sin sigod ay naipayagan Jesus, di esa sin toktokan ya din esa sin andayan.
13Kanan da en sisya, 鈥淎y iyogtan, sinoy pan-og-ogaam?鈥 鈥淭an ina dan bangkay di Apok, et adiak ammo mo intoy nangieyan da,鈥 insongbat na.
14Pag manwingi et ilaenas Jesus ay pinmipika, ngem adi na naimatonan.
15Kanan Jesus, 鈥淚yogtan, apay nga man-og-oga ka? Sinoy an-anapem?鈥 Ngem si Maria et kananas nemnem na en sisya din mangay-ayowan sin nais-ek sidi et kananan sisya, 鈥淎po, mo sik-a di nanga en sisya, ibagam kod mo intoy nangipay-am ta enak kod alaen.鈥
16鈥淢aria,鈥 kanan Jesus en sisya, dowan et mansagong si Maria ay nangwani en, 鈥淩abboni,鈥 sin kalin di Judio, di olog na et maestro.
17Ngem kanan et Jesus, 鈥淎di ka omipakod, tan daanak pay mantaoli en Amak. En ka et ipaammo sin aag-ik ay mantaoliak en Amak ay siya abey Ama yo, ya en Diyos ko ay siya abey Diyos yo.鈥
18Idi siya di, inmey si Maria Magdalena et ena inbaga sin papasolot Jesus, 鈥淚nilak din Apo.鈥 Asi na aben inpaammo en daida din inbagan Jesus en sisya.
19Idi nalabi sin siya di ay Dominggo, naidakig din beey ay nasinopan di papasolot Jesus, tan emegyat da sin papangolon di Judio. Idi siya di, kasawang si Jesus ay pinmipika sin kad-an da, yan kanana en daida, 鈥淭alna koma di mawada en dakayo.鈥
20Asi na inpaila din takkay ya bikes na en daida. Et peteg di ragsak da ay nangila en Apo.
21Pag kasin kanan Jesus en daida, 鈥淭alna koma di mawada en dakayo. Ibaak si dakayo ay kaman din nangibaaan Amak en sak-en.鈥
22Pag nan bod-okan si daida yan kanana, 鈥淎waten yo din Ispirito Santo,
23ta mo sino da di pangibagaan yo en napakawan di basbasol na, enggay pinakawan Diyos. Ya mo sino da di pangibagaan yo en adi napakawan di basbasol na, adi aben pinakawan Diyos.鈥
24Idi nanpailas Jesus sin papasolot na, maga en daida si Tomas ay nabdayan si Singin ay esa sin sinpo ya dowa.
25Isonga pag kanan din odom ay pasolot en sisya, 鈥淚nila mi din Apo.鈥 Ngem kanan Tomas, 鈥淢o adiak ilaen ya kampisen din takkay na ay dinan di lansa, yan mo adiak aben lesken si gomot ko din sogat sin bikes na, adiak patien san kanan yo.鈥
26Malabas pay di esay dominggo, kasin nasinop din papasolot Jesus sin beey, yan wadas Tomas. Naidadakig, ngem kasegep si Jesus pay dedan yan pinmipika sin kad-an da. 鈥淭alna koma di mawada en dakayo,鈥 kanana en daida.
27Asi na kanan en Tomas, 鈥淣ay din takkay ko, kampisem. Iadawam abe san takkay mo ta ilsek mo sin bikes ko. Adi ka mandowadowa mo adi et mamati ka.鈥
28Kanan Tomas, 鈥淪ik-a din Apok ya din Diyos ko.鈥

Read Juan 20Juan 20
Compare Juan 20:2-28Juan 20:2-28