4Da su Pilato neicha cuinanana judío ehuidusuji cuana peje su. Uja atana huecuana: —Mechamaque. Yama tueda ejemicuinainia micuaneda bahue epu puji tueda jucha mahue yama ebainia.
5Pilato emimiani cama, Jesús jemicuinatana huecuana. Corona aquid'aji bauda jenetia ajiji tusa echua su anina. Ebiad'amaji idhiria neje jud'ujiji. Da su Pilato ja atana huecuana: —¡U hue da ye deja! ¡Mechamaque!
6Sacerdote huaraji aida, templo sa soldado cuana ja Jesús ba putsu, jubida neje biatsiatsiapirutana huecuana uja: —¡Metataque curusu su! ¡Metataque curusu su! Da su Pilato ja atana huecuana: —Beju micuaneda hue metatatique, ye deja jucha mahue yama ebainia putsu.
7Beju judío ehuidusuji cuana ja Pilato jubida neje jeutsutana: —Tueda da Diusu sa Ebacua jabametiana. Da putsu, tuseda manu taji, cuaja ecuanaju sa jacuatsasiati epuani batame.
Juan 19
Juan 19:4-7