Text copied!
CopyCompare
Kalin Apo Dios - Juan - Juan 19

Juan 19:19-23

Help us?
Click on verse(s) to share them!
19Dat ipasolat Pilato nan naay, “Si Jesus ay iNazaret ay alin di Judio” danat ipapaey isnan kros.
20Adoado nan Judio ay mangbasbasa isna tay san nailansaan Jesus et naisasag-en id Jerusalem dapay naisolat isnan kalin di Judio, kalin di iRoma ya isnan kalin di iGrecia.
21San deeyday Judio ay menkangangato ay papadi et enda inbaga ken Pilato en, “Sokatam kad nan insolatmo ay, ‘Alin di Judio’ ta isolatmo en, ‘Kankanan tona en siya nan alin di Judio.’”
22Ngem dat kanan Pilato, “Nan epdasko insolat et siya nan maisosolat.”
23Idi inlansan san sosoldado si Jesus dadat alaen nan badbadona et pagkap-atenda ay mangpigpigas tay epatda. Inalada gedan nan an-ando ay badona ay inabe ay maid panaitana.

Read Juan 19Juan 19
Compare Juan 19:19-23Juan 19:19-23