13Quema Pilato quicajqui ni, mosehui campa monequi para tetlajtolsencahuas ipan nopa tepejpechtli campa itoca Enlosado huan ica camanali hebreo itoca Gabata. Huan tlanahuati ma quihualicaca Jesús.
14Huan eliyaya ijnaloc ipan nopa tonal para quicualtlalise nochi catli monequi para nopa Pascua tlacualistli. Huan Pilato quinilhui nopa miyaqui israelitame: ―Xiquitaca nica itztoc amotlanahuatijca.
15Huan nopa israelitame chicahuac quiijtojque: ―¡Xijquixti, xijquixti, xijcuamapeloltiti! Huan Pilato quinilhui: ―¿Anquinequij ma nijmicti amotlanahuatijca? Huan nopa tlayacanca totajtzitzi quiilhuijque: ―Amo aqui seyoc totlanahuatijca, san César.
16Huajca Pilato quinmactili Jesús para ma quicuamapeloltica, huan quihuicaque.
17Huan quichijque Jesús ma quihuica icuamapel huan ma quisa para se lugar campa itoca “Mijcatzontecomitl” (ipan camanali hebreo itoca Gólgota).
JUAN 19
JUAN 19:13-17