JUAN 11:2-18

²Laa Mliree ne nak bzaan Laser ne rzhuun nak ne wdxiib perfum led nii Jesus, lex wkwiidx meno kon gyitsxtoo men.

³Yrubël men wxaal diiz lo Jesus, re men: ―Dechey, le xmig de rzhuun.

⁴Chene won Jesuso, re Ne: ―Gyelgyiz gwa ne rzak men, nakdeto ne guet men, sinke le we nak ne por laa we yrunyoo xgyelenzoon Dëdyuzh no yrunyoo xgyelenzoon XPee Ne.

⁵Mase kesentyent ryaan Jesus Mart yrubël men no le Laser bzaan men,

⁶no chene won Ne diiz ne rzhuun Laser, wkaar Ne stxup gbiz nga ledne ka Ne.

⁷Zhich guin re Ne lo yra xpén Ne: ―Yoo tsa be Judea ste.

⁸Lex re yra xpén Ne lo Ne: ―Maxter, naandxegueree nga wlaan yra men-Israel ngugye men de nesro; ¿no le de rlaangue tsa ste?

⁹Orguin re Ne lo men: ―¿Pe let chibtxupdet or rak te dxe? Men ne rzaa yedxe bat rakadet nii men, porke nuu bnii ne rzenii gyëzlyu;

¹⁰per le men ne rzaa gyëël, noze ledne rakatee nii men, porke nyeniidet.

¹¹Wluzhse re Ne zenga, lex re Ne: ―Le xmig be Laser che waguees, per orree tsaloo noo mkaal lo men.

¹²Lex re yra xpén Ne: ―Dechey, belne che waguees men, nuu beey syaken men.

¹³Per diiz guin ne re Ne rna we ne che wet Laser, le yra xpén Ne nuu lextoo pazer noze waguees Laser.

¹⁴Orguin re Ne: ―Nligue yna noo lo de, che wet Laser.

¹⁵Per rzhiilen noo ne yët noo no, porke zenga wendee por laa de yra de, chen ylaleedx de noo. Yoo tsa be wii lo men gan.

¹⁶Lex re Tmazh ne rnii mén Mzhoz lo stebëd xpén Ne: ―Yoo tsa be no be, chen guet be yra be Jesus.

¹⁷Chene wdxiin Jesus Betania, che wluzh tap gbiz wgueedx Laser.

¹⁸Guex Jerusalén nak Betania, zeg tsonegue kilometro ryano.